Блогийнхоо сэдвээс хазайсан мэдээ ёстой ганцыг оруулчихъя, уучлаарай.
Уран хурц, дайчин шаламгай, үзэгчдийг шуугиулсан барилдаанаараа олны талархлыг хүлээсэн миний хамгийн хайртай бөх бол "Жижиг" Сүхбат аварга маань билээ. Монгол бөхийн дэвжээнээ тодрон гарсан дахин үл давтагдах гайхамшигтай мэдрэмжтэй бөх бол даян аварга Сүхбат. Энэ сайхан аварга маань зодог тайлснаас хойш би хувьдаа Монгол бөхийг бараг үзэхээ байсан бөгөөд тоотойхон үзсэн барилдаануудаас маань үнэхээр сэтгэл хөдөлгөсөн, хамт хазайлгасан, орилоод босч ирүүлсэн сайхан барилдаан үзсэнээ ер санахгүй юм. А.Сүхбаттай барилдаан бүр тийм байж билээ.
Үзэгчдийг байлдан дагуулж явсан идэр залуу аваргад маань зориулаад нэгэн сайхан дуу зохиогджээ. С.Жавхлан өөрөө шүлгийг нь зохиож аваргадаа зориулан дуулсан уг дууны клипийг миний дүүгийн GO студи бүтээсэн байна.
Хайртай аваргынхаа тухай дууны клипийг хамгийн анх олон түмэндээ түгээж байгаадаа миний бие тун их баяртай байна. Аварга маань энэ зун наадмын зүлэг ногоон дэвжээнээ дахин зодоглож бид бүхнийгээ баясгах болтугай !
High Quality MP4 файлыг нь rapidshare-с татах :
0 сэтгэгдэл:
Post a Comment
Сэтгэгдлээ үлдээсэнд баярлалаа...